Alcoholismo ta un enfermedad. E alcoholiconan no por controla nan manera di bebe, pasobra nan ta fisicamente, mentalmente y/of emocional- mente malo. Si nan no stop di bebe, su alcoholismo semper lo bira pio y mas pio. Alcoholismo ta un problema grandi di salud. Na Estadonan Uni di Merca e ta e di tres causa di morto mas grandi, despues di enfermedad di curason y di cancer.

E no ta afecta solamente e alcoholiconan, pero e ta afecta otro tambe door di su consecuencianan, por ehempel, na cas, na trabou, den trafico, etc. E Organisacion Mundial di Salud (OMS), e Asosiacion Medico Americano y e Sociedad Medico Britanico a califica alcoholismo como un enfermedad.

Contesta "Si" of "No" na e siguiente 12 preguntanan:

Cualkier persona cu contesta "Si" na cuatro of mas, tin tendencia alcoholico defini.

No tur alcoholico tin e mesun sintomanan, pero den e diferente etapanan di nan enfermedad, mayoria ta mustra lo siguiente:

Alcoholico Anonimo ta un comunidad di homber y muher, cu ta comparti un experiencia mutuo, fortalesa y esperansa pa resolve nan problema cu nan tin en comun y yuda otro pa recupera di alcoholismo. E unico rekesito pa ta miembro di Alcoholico Anonimo ta e deseo pa laga e bebida. Pa ta miembro di Alcoholico Anonimo no mester paga niun honorario, ni nada, nos ta mantene nos cu nos propio contribucion. Alcoholico Anonimo no ta afilia na ningun secta, religion, partido politico, organisacion of otro institucion; no ta desea di interveni den ningun controversia; no ta sostene ni opone na ningun causa. No meta primordial ta pa mantene nos sobrio y yuda otro alcoholico pa alcansa e estado di ta sobrio.

Na nivel personal, e anonimato ta proporciona (ta duna) proteccion pa cada un di e miembro-nan, evitando asina pa e la como alcoholico.

Dilant'i prensa, radio, television y cine, e anoni-mato ta enfatisa e igualdad di cada un di e miembronan di e Comunidad y frena asina esnan cu di otro manera por probecha di nan relacion (conexion) cu AA, pa obtene prestigio, poder of algun beneficio personal. Durante e añanan, e anonimato a comberti den un di e regalonan mas grandi cu a ofrece na e alcoholico; sin anonimato hopi lo no asisti jamas na nan prome reunion.

E alcoholico anonimo no ta haci promesa, nos no ta bisa cu nos no ta bebe licor NUNCA MAS. En bes di esey, nos ta purba di sigui locual nos ta yama "E PLAN DI 24 ORA". Nos ta concentra pa mantene nos mes sobrio pa unicamente 24 ora; nos ta purba di simplemente biba “UN DIA SIN BEBE”. Si nos sinti e deseo di bebe, nos no ta sucumbi y tampoco nos no ta lucha contra e deseo, simplemente nos ta bisa nos ta laga e bebida pa mañan.

No, AA no ta tuma nota di su miembronan, ni ta tuma presencia ma esnan cu ta acudi na e reunionnan. No mester revela nada di nan mes, esta no mester duna ningun informacion personal. Niun hende no ta rabia si bo no kier asisti reunion mas.

Nan lo tin e mesun motibo cu bo pa ta ta ey. Nan no lo revela (laga sa) bo identidad personal.

AA por warda bo anonimato cuanto cu bo ta desea. Esaki ta un di e motibonan cu nos ta yama Alcoholico Anonimo (AA).

Den AA tin diferente forma pa tene reunion. No obstante, den cualkier reunion to bo scucha alcoholico papia tocante e efectonan cu e bebida tabatin den nan bida y den nan personalidad; di e medidanan cu nan a tuma pa yuda nan mes y di e manera cu nan ta biba nan propio bida awendia.

Nos di AA sa kico kiermen pa ta adicto na alcohol y e impotencia di no por cumpli cu e promesa cu nos ta haci pa stop di bebe. Nos no ta terapista profesional. E unico cos cu ta haci nos capacita pa yuda otro alcoholico pa nan recupera, ta e echo cu nos mes a stop di bebe; asina e bebedonan problematico cu ta dirigi nan mes na nos, sa cu ta posibel pa recupera, pasobra nan ta topa cu hende cu a logra.

E no ta necesario, pero manera un miembro a bisa “Casi nos tur kier, y por ta cu mayoria di nos nos mester di dje”. Mayoria di alcoholico no ta gusta pa bisa nan cu nan MESTER haci algo pa hopi tempo. Na prome bista, e idea cu mester asisti na e reunionnan pa resto di bo bida ta parce un dolor. Nan ta sugeri nos pa aleha di e alcohol un dia a la vez. “Solamente awe mi no ta bebe”

E contesta ta cu niun hende no ta obliga na nada den AA.

Bo lo ta miembro di AA si abo kier y na momento cu abo dicidi esaki. E unico rekesito pa ta un miembro di AA ta e deseo pa laga e bebicla; hopi di nos, ora nos acerca pa prome biaha na AA, no tabata mucho entusiasma.

En realidad bo no ta paga pa ta miembro di AA. Cada miembro di e grupo di AA ta deposita voluntariamente den un “pot”, loke cada un kier duna, durante e reunion. Esaki ta yuda cubri cu algun gasto, manera por ehempel: e localidad, koffie, etc.

Famia y amigo ta bon bini na e reunionnan “PUBLICO”. Solicita informacion tocante esaki.

Segun nos experiencia e individuonan cu ta recupera den AA ta esunnan cu ta:
a. Nan ta aleha di e prome bebida.
b. Nan ta asisti regularmente na e reunionnan di AA.
c. Nan ta uni na persona den AA cu a logra di mantene nan mes sobrio pa algun tempo.
d. Nan ta purba di pone den practica e programa di recuperacion di AA.

AA NO ta haci campaña pa convence e alcoholiconan pa nan uni na e comunidad; AA ta solamente pa e alcoholiconan cu kier stop di bebe.

AA NO ta vigila su miembronan pa wak si nan no a bebe; AA ta invita e alcoholiconan pa nan yuda nan mes.

AA NO ta un organisacion politico ní religioso. Tur miembro ta liber pa dicidi su propio idea tocante e nificacion di bida.

AA NO no ta un organisacion medico. NO ta proporciona remedi ni consulta sikiatrico; NO ta maneha ningun hospital, pavelion, sanatorio of otro organisacion, ni ta suministra servicio di enfereineria; AA ta copera cu organisacion cu ta traha den e area di alcoholismo.

AA NO ta acepta placa di fuentenan externo, ni priva, ni di gobierno.

AA NO ta ofrece servicio social. NO ta provee vivienda, alimento, paña, trabou, ni placa. AA ta yuda e alcoholiconan pa keda sobrio pa nan por proporciona e cosnan aki pa nan mes.

AA NO ta practica e principio di “Anonimo” cu ta aparece na bo nomber. No ta divulga nomber di miembro na television, cine, radio, of corant. E miembronan no ta divulga nomber di otro miembro di ningun forma. E miembronan di AA no tin berguensa di ta forma parti di AA. Nan ta anima nan mes cu e deseo di yega AA pa busca ayudo pa laga e bebida. Niun miembro no ta desca di ta heroe, Solamente nan kier alcansa nan sobriedad.

AA NO ta mantene registro di miembro, ni di historia.

AA NO ta participa na investigacion di alcoholismo, ni ta patronisa esaki.

AA NO ta proporciona carta di recomendacion pa libertad condicional, abogado, funcionario di tribunal, patron, etc.